नमस्कार मित्र आणि मैत्रिणिनो..... मी पूजा साधी सरळ आणि खूप मस्तीखोर मराठी मुलगीतसा हा माझा पहिलाच बॉल्ग.. माझ्या आवडणर्‍या कवितांचा.... आशा आहे की आपल्याला नक्की आवडेल.....धन्यवाद...!!!


भेट तुझी माझी स्मरते, अजून त्या दिसाची
धुंद वादळाची होती रात्र पावसाची

कुठे दिवा नव्हता, गगनी एकही न तारा
आंधळ्या तमातून वाहे, आंधळाच वारा
तुला मुळी नव्हती बाधा, भितीच्या विषाची

क्षुद्र लौकिकाची खोटी झुगारुन नीती
नावगाव टाकून आली अशी तुझी प्रीती
तुला परी जाणिव नव्हती, तुझ्या साहसाची

केस चिंब ओले होते, थेंब तुझ्या गाली
ओठांवर माझ्या त्यांची किती फुले झाली
श्वासांनी लिहीली गाथा, प्रीतीच्या रसाची

सुगंधीच हळव्या शपथा, सुगंधीच श्वास
स्वप्नातच स्वप्न दिसावे तसे सर्व भास
सुखालाही भोवळ आली मधुर सुवासाची
कवी - सुरेश भट...


एकच क्षण हवाय तुझ्याबरोबर बोलायला
सुख तुला द्यायला दुख तुझे जाणून घ्यायला

एकच क्षण हवाय तुझ्यासमोर बसायला
तुला डोळे भरून पाहायला तुझे चित्र हृदयात कोरायला

एकच क्षण हवाय तुझ्याबरोबर चालायला
पुढील आयुच्या शुभेच्या द्यायला आन् अखेरचा निरोप घ्यायला